նախընտրելի դարձնելՎրաստանի Մարնեուլիի շրջանի Քիզիլաջղլո գյուղ հատուկ նշանակության ջոկատայիններ են ուղարկել ընտրական տեղամասի մոտ ծագած ծեծկռտուքի պատճառով, որը սկսվել էր իշխող «Վրացական երազանք» եւ ընդդիմադիր «Միասնական ազգային շարժում» կուսակցությունների ակտիվիստների միջեւ:
Ծեծկռտուքը տեղի է ունեցել Վրաստանի արեւելքում՝ Մարնեուլիի շրջանի համար 48 ընտրատեղամասում: Ծեծկռտուքին մասնակցել է 200 մարդ, որոնք միմյանց վրա քարեր են նետել:
Վրաստանի ՆԳՆ-ն «Միասնական ազգային շարժում» կուսակցությանը եւ «Պաատա Բուրճուլաձե. պետություն ժողովրդի համար» բլոկին մեջադրել է տեղամասից քվեատուփը գողանալու փորձ կատարելու մեջ: Իրավապահները հայտնել են, որ տուժել է մի քանի ոստիկան, այդ թվում՝ Մարնեուլիի ոստիկանապետը: Քվեատուփը իր տեղում է: Ոստիկանությունից հայտնել են, որ այս պահին իրավիճակը հսկողության տակ է:
