նախընտրելի դարձնելOutlast խաղի առաջին մասին կամ երկրորդի դեմո տարբերակին արդեն ծանոթ գեյմերները կհամաձայնեն, որ դրանք իդեալական են վիրտուալ իրականությունում (VR) խաղալու համար, սակայն խաղը ստեղծողները հայտարարել են, որ առաջիկայում Outlast II-ը չի ունենա VR տարբերակ: Այս մասին հայտնում է PlayStation LifeStyle-ը:
Խաղը մշակող Red Barrels ստուդիայի տնօրեն Ֆիլիպ Մորանը հաստատել է, որ Outlast II խաղը գոնե սկզբնական շրջանում չի ունենա VR տարբերակ:
«Իսկապես որակյալ VR խաղ ստեղծելու համար, պետք է այն զրոյից սկսել: Քանի որ մեր թիմը բաղկացած է ընդամենը 20 հոգուց, մենք կարող ենք միայն մեկ բանի վրա կենտրոնանալ: Outlast2-ի թողարկումից հետո միայն արժե մտածել խաղի VR տարբերակը ստեղծելու նպատակահարմարության մասին»,- ասել նա:
Outlast II խաղը կթողարկվի հաջորդ տարվա առաջին եռամսյակում:
