Նոյեմբերի 18-20-ին Դիլիջանում կկայանա «Հայաստան 20.18 - 2018թ.՝ Հայաստանը 20 ամենանորարար երկրների շարքում» խորագրով Բիզնես ինովացիոն ֆորումը: Միջոցառման նպատակն է թեմատիկ քննարկումների, գործարար ներկայացումների եւ շփումների միջոցով վեր հանել Հայաստանի ինովացիոն զարգացման մարտահրավերները, քննարկել դրանք հաղթահարելու եղանակներն ու ծրագրերը։

Միջոցառման ընթացքում կլինեն  թեմատիկ զեկույցներ եւ  քննարկումներ, success story-ների եւ տեխնոլոգիաների ներկայացումներ, շփումներ եւ անհատական հանդիպումներ:

ֆորումի շրջանակում կքննարկվեն 4 հիմնական թեմաներ՝  նորարարական ապրանքներ եւ ծառայություններ, բիզնես պրոցեսների զարգացում ինովացիաների միջոցով, գիտելիքներ նորարարության եւ զարգացման համար, ռազմավարություն՝ դեպի ինովացիոն տնտեսություն:

Բիզնես ինովացիոն ֆորումը իրականացվում է Ինֆորմացիոն տեխնոլոգիաների ձեռնարկությունների միության կողմից (ԻՏՁՄ):

Այս տարի ֆորումի հիմնական գործընկերն է Գերմանիայի միջազգային համագործակցության ընկերության Մասնավոր ոլորտի զարգացման եւ ՓՄՁ աջակցության ծրագիրը։