նախընտրելի դարձնել2017-ին ԱՊՊԱ-ի վնասաբերության գործակիցը, ամենայն հավանականությամբ, կշարունակի աճել: Այս մասին նոյեմբերի 9-ին ասել է Հայաստանի ավտոապահովագրողների բյուրոյի գործադիր տնօրեն Վահան Ավետիսյանը:
Նրա խոսքով՝ 2016-ի սկզբին կորուստի գործակիցը կազմում էր 46-47 տոկոս, սակայն հունիսից այն սկսել էր աճել եւ նոյեմբերի 1-ի դրությամբ 52 տոկոսի սահմանում է, մոտավորապես այնքան, որքան մեկ տարի առաջ: Աճի գլխավոր պատճառներից մեկը ապահովագրման համակարգի մասին դիմումի պարզեցված սխեման է: 2016-ի սեպտեմբերից փոքր վթարների դեպքում վարորդները կարող են վնասն իրենք հաշվել՝ չսպասելով գործակալին: Համապատասխանաբար 2016-ի սեպտեմբեր-հոկտեմբերին ԱՊՊԱ-ի դիմումների թիվը մոտավորապես 26 տոկոսով աճել է, բավարարված դիմումների թիվն աճել է 25 տոկոսով, իսկ ապահովագրական վճարումները 3-13 տոկոսի սահմաններում են եղել:
2016-ի սեպտեմբերին ընդհանուր վճարումները կազմել են մոտ 786 մլն դրամ, ինչը 13 տոկոսով ավելի է, քան 2015-ի սեպտեմբերին, իսկ 2016-ի հոկտեմբերին կազմել են 852 մլն դրամ, ինչը 3.5 տոկոսով ավելի է, քան 2015-ի հոկտեմբերին:
Ավետիսյանի խոսքով՝ հետագա աճը պայմանավորված կլինի ավտովթարի համար փոխհատուցում ստանալու հանգամանքով. 2017-ի ապրիլի 1-ից տուժած վարորդը կարող է փոխհատուցման համար դիմել իր ապահովագրական ընկերությանը, այլ ոչ թե մեղավոր վարորդի ընկերությանը:
