ԱՄՆ ՄԶԳ ֆինանսավորմամբ Հայաստանի ՓՄՁ ԶԱԿ-ի եւ գործընկեր կազմակերպությունների կողմից իրականացվող «Գործընկերություն` հանուն գյուղական համայնքների բարգավաճման» (USAID/PRP) ծրագիրը շարունակում է Հայաստանի մարզերի տարբեր համայնքներում բնակիչների եւ ղեկավարության հետ քննարկել զարգացման հեռանկարները: Տեղական տնտեսական զարգացման ծրագրերի շրջանակում Շիրակի մարզի Փանիկ, Գետափ, Անուշավան եւ Մեղրաշեն համայնքներում  հետագա աշխատանքների եւ ենթակառուցվածքային ծրագրերի ընտրության նպատակով անցկացվեց փոքր աշխատանքային հանդիպում: Հանդիպմանը ներկա էին ՓՄՁ ԶԱԿ-ի Շիրակի մասնաճյուղի տնօրեն Արտակ Զաքարյանը, ՓՄՁ ԶԱԿ-ի տեղական տնտեսական զարգացման ծրագրերի բաժնի ղեկավար Արտակ  Դադոյանը եւ USAID/PRP ծրագրի ենթակառուցվածքային ծրագրերի համակարգող Վլադիմիր Եսայանը, Մեղրաշեն համայնքի ղեկավար Հունան Պետրոսյանը, երեք համայնքների ղեկավարների տեղակալները, ավագանու անդամներ եւ ֆերմերներ: 

Քննարկումների արդյունքում, ելնելով հիմնախնդիրների առաջնայնությունից, որոշվեց

Փանիկում հիմնել  համայնքային նշանակության սառնարանային տնտեսություն, Մեղրաշենում՝ իրականացնել արոտավայրի ջրարբիացման ծրագիր, իսկ Անուշավան  եւ Գետափ համայնքներում՝ ոռոգման ջրագծերի վերակառուցում:

Նոր տարին նոր բնակարանում՝ սկսած 6% տարեկան տոկոսադրույքով վարկի միջոցով

«Երիտասարդ ընտանիքին՝ մատչելի բնակարան» ծրագրի շրջանակներում վարկերը մինչև ս.թ. դեկտեմբերի 30-ը տրամադրվում են սկսած 6% տարեկան տոկոսադրույքով

Տավուշի մարզի Վերին Կարմիր Աղբյուր համայնքում նույնպես «Գործընկերություն` հանուն գյուղական համայնքների բարգավաճման» ծրագրի փորձագետներն անցկացրեցին աշխատանքային հանդիպում: Միջոցառմանը մասնակցեցին համայնքի ղեկավար Կամո Չոբանյանը, ավագանու անդամները, ֆերմերները եւ գյուղտեխնիկա շահագործողները: Հանդիպմանը ներկա էին ներկայացուցիչներ նաեւ Արծվաբերդ, Նորաշեն եւ Չորաթան համայնքներից:  Հանդիպման ընթացքում մասնագետները ներկայացրեցին մինչեւ այժմ Տավուշի մարզում USAID/PRP ծրագրի իրականացրած նախագծերը եւ ձեռքբերումները:

Քննարկումների արդյունքում որոշվեց վերակառուցել հացահատիկի վերամշակման կայանը: Այն կառուցվել է 1960-ական թվականների սկզբում եւ նորոգվել 1981թթ.-ին: Վերակառուցման ավարտից հետո կտրուկ կնվազի մշակման ընթացքում գյուղացիների կրած բերքի կորուստը, ինչն այժմ կազմում է մոտ 25%:  Կայանում ցորենի ծղոտից եւ չորացված ալպիական խոտերից նաեւ պատրաստվելու է  անասնակեր: