նախընտրելի դարձնել
ՌԴ ու Թուրքիայի ավիացիոն իշխանությունները պայմանավորվել են երկու երկրների միջեւ նոր ավիաչվերթների մասին, որոնք կկապեն Ստամբուլը «Ժուկովսկի» ու «Գրոզնի» օդանավակայանների, իսկ Մոկսվան՝ Անթալիա նահանգի «Գազիփաշ» օդանավակայանի հետ։ Այս մասին հայտնել է Թուրքիայի քաղավիացիայի (SHGM) գլխավոր տնօրինությունը, փոխանցում է «ՌԻԱ Նովոստին»։
Հաղորդագրության մեջ նաեւ նշվում է, որ SHGM–ի ղեկավար Բահրի Քեսիջիի ու Ռուսաստանի Տրանսպորտի նախարարության քաղավիացիայի ոլորտում պետական քաղաքականության բաժնի փոխտնօրեն Սերգեյ Սեսկուտովի նախագահությամբ դեկտեմբերի 20-21-ը Մոսկվայում անցած նիստի ժամանակ քննարկվել է քաղավիացիայի ոլորտում Ռուսաստանի ու Թուրքիայի համագործակցությունը երկկողմանի հարաբերությունների ճգնաժամից հետո, որը բացասաբար է ազդել ավիացիոն ու զբոսաշրջային ոլորտների վրա։
Հայտնում են, որ «Գազիփաշի» օդանավակայանը ընտրվել է որպես նոր նշանակության կետ Ռուսաստանից ավիաչվերթների համար, իսկ Սոչիի օդանավակայանը՝ որպես նոր նշանակության կետ Թուրքիայի ավիափոխադրողների համար։
