նախընտրելի դարձնել«Ժողովրդավարական Հայրենիք» կուսակցությունը ընտրությանը մասնակցող ուժերին կոչ է անում փոխել քարոզարշավի դասական ձեւը:
Կուսակցության տարածած հայտարարության մեջ ասվում է.
«Ժողովրդավարական Հայրենիք» կուսակցությունը Արթուր Սարգսյանի դավադիր սպանության համար ցավակցում է նրա ընտանիքին ու հարազատներին:
Միաժամանակ ընդունելով, որ Արթուրի սպանությունը համայն հայության ցավն է, բայց, ցավոք, հայ ժողովուրդը անհրաժեշտ կամք չդերսեւորեց Արթուրին ազատելու համար:
Դահիճների եւ նրանց հլու-հնազանդ ծառաների պատասխանատվության հարցը տեղին է, բայց արձանագրենք, որ նրանք դեռեւս պատասխան չեն տվել 1997-1999 թթ.-ի մի քանի տասնյակ պետական ու քաղաքական գործիչների սպանության, հոկտեմբերի 27-ի, 2004թ.-ի ապրիլի 13-ի Բաղրամյան պողոտայի ջարդի, Մարտի 1-ի, ապրիլյան քառօրյա պատերազմի զոհերի, Սարի թաղի ջարդի եւ, վերջապես, պետականության կորստի վտանգի համար:
«Ժողովրդավարական Հայրենիք» կուսակցությունը դիմում է ընտրությանը մասնակցող քաղաքական ուժերին՝ փոխեն քարոզարշավի դասական ձեւը եւ օգտագործելով ընտրության ընձեռնված հնարավորությունից՝ նախաձեռնել ակտիվ քարոզչություն ընդդեմ հանրապետական դահիճների եւ ժողովրդի աջակցությամբ ազատագրել երկիրը»:
