Հայաստանի նախագահը եւ իշխող կոալիցիան իրենց առջեւ խնդիր են դրել երկրում կոռուպցիայի հարցերով հասարակական քննարկումներ սկսել։ Նման հատկանշական հայտարարությամբ  Ազգային ժողովում  այսօր` նոյեմբերի 19-ին հանդես եկավ «Բարգավաճ Հայաստան» խմբակցության  քարտուղար Արամ Սաֆարյանը։ Նա նշեց, որ այդ համատեքստում իրենց գործունեությունն  են ակտիվացրել վերահսկիչ եւ դատական մարմիները:

«Ժառանգություն» կուսակցության պատգամավոր Արմեն Մարտիրոսյանն իր հերթին հայտարարեց, որ Հայաստանի պետական կառուցներում կոռուպցիան այնպիսի սպառնալի չափերի է հասել, որ «պետությունից  քամում է բոլոր հյութերը»։