նախընտրելի դարձնելՀՀ սփյուռքի նախարար Հրանուշ Հակոբյանն այսօր՝ սեպտեմբերի 17-ին, ընդունել է Ճարտարապետների եւ ճարտարագետների համահայկական ընկերակցության պատվիրակությանը։
ՀՀ սփյուռքի նախարարությունից NEWS.am-ին հայտնում են, որ պատվիրակության կազմում էին Ճարտարապետների եւ ճարտարագետների համահայկական ընկերակցության համանախագահ, ՎիՋիՍի-Արպլան ընկերության ավագ ճարտարապետ Գոհար Թութունջյանը (Կատար), ՃՃՀԱ Կատարի ներկայացուցչություն, հասարակական գործիչ Սիլվա Տեր-Բեդրոսյան-Վարդանյանը (Կատար), ՃՃՀԱ Կատարի ներկայացուցչություն, Շինարարության առողջապահական բնագավառի խորհրդատու Ալիս Կարավետյանը (Լիբանան), ՃՃՀԱ Կատարի ներկայացուցչություն, մարքեթինգի խորհրդատու Գրեգ Փայասյանը (Լիբանան), ՃՃՀԱ գործադիր տնօրեն Արփինե Դանիելյանը (ՀՀ), ՃՃՀԱ վարչության անդամ, ԱՄԷ ներկայացուցչության համակարգող, ճարտարապետ Գյուլիզար Ջոնյանը (ԱՄԷ), ՃՃՀԱ Լիբանանի ներկայացուցչության համակարգող, «Դունբեյթ դիզայն» ճարտարապետական ընկերության ղեկավար, սեփականատեր, ճարտարապետ Վիգեն Թարխանյանը (Լիբանան), ՃՃՀԱ Լիբանանի ներկայացուցչության համակարգող, «Դունբեյթ դիզայն» ճարտարապետական ընկերության համասեփականատեր, ճարտարապետ Րաֆֆի Թարխանյանը (Լիբանան), ՃՃՀԱ Արցախի ներկայացուցչություն, Շուշիի տեխնոլոգիական համալսարանի երեւանյան ներկայացուցչության ղեկավար, Շախմատի միջազգային գրոսմայստեր Րաֆայել Վահանյանը (Արցախ), ՃՃՀԱ Արցախի ներկայացուցչություն, Շուշիի տեխնոլոգիական համալսարանի երեւանյան ներկայացուցչության ղեկավարի օգնական Գագիկ Սարգսյանը (Արցախ), ՃՃՀԱ անդամ Հրաչ Վարդանյանը:
Ողջունելով ընկերակցության անդամներին՝ նախարարը կարեւորել է նրանց մասնակցությունը «Հայաստան-Սփյուռք» համահայկական 6-րդ համաժողովին:
Նա մասնավորապես նշել է. «Շնորհակալ եմ, որ եկել եք: Համահայկական այս մեծ համաժողովին հավաքվելու ենք, որ ցույց տանք մեր միասնական ուժը, համախմբվածությունը, լսենք ձեր գաղափարները, առաջարկներն ու կարծիքները, որ հետո աշխատենք միասնաբար կյանքի կոչել դրանք, վերածել ծրագրերի»:
Քննարկվել են Հայաստան-Սփյուռք համահայկական 6-րդ համաժողովին կառույցի մասնակցությանը, ՀՀ սփյուռքի նախարարության եւ ընկերակցության միջեւ համագործակցության զարգացմանը եւ ամրապնդմանը վերաբերող հարցեր: Ընկերակցության համանախագահ, ՎիՋիՍի-Արպլան ընկերության ավագ ճարտարապետ Գոհար Թութունջյանը շնորհակալություն է հայտնել հանդիպման համար, ներկայացրել է միության ձեռքբերումներն ու ծրագրերը, պատրաստակամություն հայտնեց ավելի սերտորեն համագործակցել նախարարության հետ, ակտիվորեն մասնակցել նախարարության ծրագրերին:
Նա նշել է, որ ընկերակցությունն այսօր աշխարհի 12 երկրում՝ ԱՄԷ-ում, ԱՄՆ-ում, ՌԴ-ում, Հորդանանում, Ֆրանսիայում, Կատարում, Լիբանանում, Եգիպտոսում, Իրանում, Թուրքիայում, Շվեդիայում, Արցախում ունի ներկայացուցչություններ: Կապեր է հաստատել Սփյուռքի բոլոր մասնագիտական համայնքների եւ անհատ մասնագետների հետ՝ ստեղծելով մասնագիտական տվյալների բազա (Database), որի միջոցով խթանում են նմանատիպ գործունեություն ծավալող անհատ մասնագետների եւ ընկերությունների համագործակցությունն ու համատեղ նախագծերի իրականացումը Հայաստանում, Սփյուռքում եւ Արցախում: Ընկերակցությունը մշակել է 8 կետից բաղկացած գործողությունների ծրագիր:
2018թ. հոկտեմբերին Արցախում ՀՀ սփյուռքի նախարարության եւ ՃՃՀԱ-հետ համատեղ ծրագրվում է Ճարտարապետների 4-րդ համահայկական համաժողովի կազմակերպումը` Հայկական սփյուռքի ուշադրությունը դեպի Արցախ սեւեռելու նպատակով: Այդ ուղղությամբ արդեն սկսվել են աշխատանքները:
.jpg)
