Պաշտպանի աշխատակազմի Խոշտանգումների եւ վատ վերաբերմունքի կանխարգելման վարչության ներկայացուցիչները դեռեւս 2017 թվականի սեպտեմբերի 14-ին հերթական՝ չհայտարարված այցն են իրականացրել «Արմավիր» քրեակատարողական հիմնարկ:

ՄԻՊ-ի գրասենյակից NEWS.am-ին հայտնում են, որ այցի ընթացքում Պաշտպանի ներկայացուցիչներն ի թիվս ազատությունից զրկված այլ անձանց հանդիպել եւ առանձնազրույց են ունեցել նաեւ հացադուլ հայտարարած Հայկ Կյուրեղյանի հետ:

Այցի արդյունքների, այդ թվում՝ Հայկ Կյուրեղյանի առողջական վիճակի առնչությամբ արդեն իսկ գրություն է ուղարկվել ՀՀ արդարադատության նախարարություն: