նախընտրելի դարձնելԱՄՆ Ինդիանա նահանգում Ինդիանապոլիսի օդանավակայան ուղեւորվելիս ճանապարհային պատահար է տեղի ունեցել ԱՄՆ նախագահ Դոնալդ Թրամփի ավտոշարասյան հետ, հայտնում է Fox 59 հեռուստաալիքը:
Ճանապարհային պատահարի հետեւանքով ոստիկան է տուժել, որը մոտոցիկլետով ուղեկցում էր ԱՄՆ նախագահի շարասյանը: Նա կորցրել է կառավարումը եւ ընկել:
Տուժած ոստիկանի մոտ ոտքի կոճի կոտրվածք է ախտորոշվել, նաեւ ուղեղի ցնցման կասկած կա: Նրա վիճակը լավ է գնահատվում:
Թրամփն Ինդիանապոլիսում հարկային բարեփոխման մասին հայտարարությամբ է հանդես եկել: Նրա օդանավն արդեն հաջող վայրէջք է կատարել Վաշինգտոնում:
