ՄԱԿ-ի փորձագետները Իսպանիայի իշխանություններին կոչ են արել անել ամեն ինչ, որպեսզի Կատալոնիայում գալիք հանրաքվեի կապակցությամբ ձեռնարկվող միջոցառումները չհանգեցնեն հիմնական իրավունքների ու ազատությունների խախտմանը՝ ինչպիսիք են տեսակետների արտահայտման ազատությունը, հանրահավաքների ազատությունը, նաեւ կամքի արտահայտման իրավունքը;

ՄԱԿ-ի իրավապաշտպանները մտահոգություն են հայնել այդ միջոցառումների կապակցությամբ ու հայտնել են, որ «հանրաքվեի օրինականությունից կախված՝ իսպանական իշխանությունները պարտավոր են պահպանել հիմնարար իրավունքները, որոնք բնորոշ են ժողովրդավարական հասարակություններին»։ «Ձեռնարկվող քայլերը լուրջ մտահոգություն են առաջացնում, քանի որ դրանք հանգեցնում են մարդու իրավունքների խախտումներին, նրանց զրկում են  իսպանական ժողովրդավարության համար այս կարեւոր ժամանակաշրջանում տեղեկություններ ստանալու ու բանավեճ իրականացնելու հնարավորությունից»,- ասվում է հայտարարության մեջ, որով հանդես են եկել ՄԱԿ-ի փորձագետներ Ալֆրեդ Մորիս դե Զայասն ու Դեւիդ Քեյը։

Մադրիդը Կատալոնիա է ուղարկել ավելի քան չորս հազար ոստիկանների, որոնց կարգադրել է գործողությունների դիմել «ապօրինի հանրաքվեի դեպքում»։

«Մենք մտահոգված ենք նրանով, որ այդ հրամանն ու դրան ուղեկցող հռետորաբանությունը կարող են հանգեցնել լարվածության աճի ու սոցիալական հուզումների»,- նախազգուշացրել են փորձագետները։