նախընտրելի դարձնելՕդեսայի նախկին նահանգապետ Միխայիլ Սաակաշվիլին, որը Կիեւ է ժամանել, կոչ է արել պահանջել Ուկրաինայի նախագահ Պյոտր Պորոշենկոյի հրաժարականը, հայտնում է «Ինտերֆաքս Ուկրաինան»:
«Ես կիեւցիներին կոչ եմ անում աշխատանքային օրվա ավարտից հետո այստեղ գալ եւ միայն մեկ բան պահանջել՝ որ Պորոշենկոն արդեն մտածի իր պաշտոնից հեռանալու մասին»,- Գերագույն ռադայի շենքին կից Սահմանադրության հրապարակում հայտարարել է Սաակաշվիլին:
Ռադայի շենքի կողքին ընթացող հանրահավաքի մասնակիցների թիվը կեսօրին կազմում էր մոտ 4,5 հազար մարդ, եւս 1,5 հազար մարդ հանրահավաք է անցկացնում Ուկրաինայի Ազգային բանկի շենքի մոտ:
Հանրահավաքի մասնակիցների հիմնական պահանջներն են՝ փոխել ընտրական համակարգը, ստեղծել անկախ հակակոռուպցիոն դատարան, չեղյալ համարել պատգամավորական անձեռնմխելիությունը:
