նախընտրելի դարձնելՈւկրաինայի նախագահ Պյոտր Պորոշենկոյի եւ ՆԳՆ ղեկավար Արսեն Ավակովի միջեւ վեճ է տեղի ունեցել, հաղորդում է LIGA.net-ը` վկայակոչելով իր աղբյուրներին: Պարբերականի զրուցակիցների կարծիքով՝ վիճաբանության պատճառը ներքին գործերի նախարարի որդու՝ Ալեքսանդր Ավակովի ձերբակալությունն էր:
Ներքին գործերի նախարար Արսեն Ավակովը եւ նախագահ Պյոտր Պորոշենկոն զրույցի ժամանակ ձայները բարձրացնելով են խոսել:
Ավակովը, լիովին համոզված է, որ իր որդու ձերբակալման հետեւում պետության ղեկավարն է կանգնած եւ բացատրություն է պահանջել նրանից: Պորոշենկոն հավաստիացրել է, որ ինքը ոչ մի կապ չունի դրա հետ: Ընդ որում, նախագահն աջակցություն է հայտնել նախարարին՝ ասելով, որ այս ամենը «սադրանք» է եւ նա իսկապես «վրդովված» է:
Ալեքսանդր Ավակովը ձերբակալվել է հոկտեմբերի 31-ին: Քննչական գործողությունները տեղի են ունեցել այսպես կոչված «ճամփորդական պայուսակների» գործի հետաքննության շրջանակներում:
2016 թվականի հունվարին հրապարակվել էր տեսանյութ, որտեղ Ավակով կրտսերին նման մի տղամարդ ՆԳՆ նախկին ղեկավար Սերգեյ Չեբոտարի նման մարդու հետ բանակցում է Ուկրաինայի ներքին գործերի նախարարության համար պայուսակների ձեռքբերումն իրականցնելու համար:
Պայուսակներն իսկապես ձեռք էին բերվել, սակայն դրանց գինը շուկայական գնից 6 անգամ բարձր է եղել:
Մասնագիտացված հակակոռւպցիոն դատախազությունը գործի բոլոր մասնակիցների համար գրավ վճարելու իրավունքով կալանք կխնդրի:
