Չորեքշաբթի երեկոյան պայթյուն է որոտացել Հոլիվուդի վեցհարկանի բնակելի շենքի առաջին հարկում տեղակայված ռեստորաններից մեկում։ Այս մասին հայտնում է ՏԱՍՍ-ը՝ վկայակոչելով Լոս Անջելեսի հրշեջ դեպարտամենտը։

Դեպարտամենտի տվյալներով՝ միջադեպի արդյունքում մեկ մարդ է տուժել։ NBC հեռուստաալիքի տվյալներով՝ վիրավորվել է մի կին, որն անցնելիս է եղել շենքի կողքով։ Նշվում է, որ դեպքի պահին ռեստորանը փակ է եղել։ 

Հրշեջները հայտնել են նաեւ բնակելի շենքի տարհանման մասին։

Կատարվում է քննություն։ Նախնական տեղեկություններով՝ շենքում գազի պայթյուն է տեղի ունեցել։