նախընտրելի դարձնելՌԴ ԱԳ նախարար Սերգեյ Լավրովը եւ Հորդանանի ԱԳ նախարար Այման Սաֆադին հեռախոսային զրույցի ընթացքում քննարկել են Իսրայելի եւ Պաղեստինի շուրջ ստեղծված իրավիճակը, ինչպես նաեւ Սիրիայի ճգնաժամի կարգավորման հարցը, հայտնել են ՌԴ ԱԳՆ-ից:
«Արտաքին քաղաքականության գերատեսչությունների ղեկավարները կարծիքներ են փոխանակել հրատապ տարածաշրջանային խնդիրների շուրջ՝ Երուսաղեմը Իսրայելի մայրաքաղաք ճանաչելու ԱՄՆ վարչակազմի որոշման լույսի ներքո շեշտադրում կատարելով պաղեստինա-իսրայելական կարգավորման իրավիճակի զարգացման վրա»,- նշված է ՌԴ ԱԳՆ հաղորդագրության մեջ:
ԱԳ նախարարները քննարկել են նաեւ Սիրիայի ճգնաժամի կարգավորման գործընթացի վիճակը՝ ռազմական գործողությունների ռեժիմի պահպանման ջանքերի, կարիքավոր բնակչությանը հումանիտար օգնության ընդլայնման, ՄԱԿ ԱԽ 2254 բանաձեւի հիման վրա միջսիրիական բանակցությունների վերականգնման ենթատեքստում:
Աստանայում այս օրերին անցկացվում է Սիրիայի հարցով բանակցությունների հերթական ռաունդը: Անցյալ շաբաթ Ժնեւում ավարտվել են ՄԱԿ հովանու ներքո անցկացվող միջսիրիական խորհրդակցությունները: Ներկայումս Սոչիում ընթանում է Սիրիայի ազգային երկխոսության կոնգրեսի նախապատրաստումը:
