նախընտրելի դարձնելՉինաստանի պաշտպանության նախարարությունը սուտ է որակել ամերիկյան ռազմական օդանավերի դեմ պարտական լազերների օգտագործման մասին Պենտագոնի պնդումը, հայտնում է Reuters-ը:
«Մենք արդեն պաշտոնական խողովակներով հերքել ենք այդ սխալ պնդումները: Չինական կողմը խստորեն հետեւում է միջազգային օրենքներին եւ տվյալ երկրի տեղական օրենքներին ու հավատարիմ է տարածաշրջանային անվտանգության եւ կայունության պաշտպանությանը»,- նշված է Չինաստանի ՊՆ հայտարարության մեջ:
Չինաստանի ԱԳՆ մամուլի քարտուղար Հուա Չունինգը հայտարարել է, որ կառավարությունը «լուրջ ստուգումներ» է անցկացրել եւ ԱՄՆ-ին հայտնել մեղադրանքների հիմնավորված չլինելու մասին:
Հիշեցնենք, որ ԱՄՆ-ն պաշտոնական բողոք է ներկայացրել Չինաստանի իշխանություններին Ջիբութի ռազմակայանի մոտ լազերների օգտագործման կապակցությամբ, որոնք ուղղվել էին օդանավերին եւ ամերիկյան երկու օդաչուների մոտ աննշան վնասվածքներ էին առաջացրել:
