նախընտրելի դարձնել
ՀՀ նախագահ Արմեն Սարգսյանի հրամանագրով Մհեր Գրիգորյանը նշանակվել է ՀՀ փոխվարչապետ
Նախագահի հրամանագրում ասվում է.
«Հիմք ընդունելով վարչապետի առաջարկությունը` համաձայն Սահմանադրության 150-րդ հոդվածի.
Մհեր Գրիգորյանին նշանակել փոխվարչապետ:
Կենսագրական տվյալներ
Մհեր Գրիգորյանը ծնվել է 1972 թվականին:
Մասնագիտական գործունեությունը սկսել է 1996 թվականին ՀՀ Կենտրոնական բանկում, որտեղ 1997-1999 թվականներին զբաղեցրել է Իրավաբանական վարչության ղեկավարի պաշտոնը: Աշխատել է Հայներարտբանկում (ներկայումս՝ Ամերիաբանկ), Էյչ-Էս-Բի-Սի բանկ Հայաստանում:
2006-2007 թվականներին եղել է Ինեկոբանկի գործադիր տնօրենը:
2002-2006 թվականներին համատեղությամբ խորհրդատու է աշխատել Համաշխարհային բանկի երեւանյան գրասենյակում:
2007 թվականից եղել է ՎՏԲ Հայաստան բանկի գլխավոր տնօրենի տեղակալը:
2011 թվականին սկսել է աշխատել Արդշինբանկում՝ որպես Վարչության նախագահ:[1]
Հայաստանի Հանրապետության Անկախության տոնի առթիվ, տնտեսության զարգացման գործում ներդրած ավանդի համար, Արդշինբանկի Վարչության Նախագահ Մհեր Գրիգորյանը ՀՀ նախագահ Սերժ Սարգսյանի կողմից 2016 թվականին պարգեւատրվել է Անանիա Շիրակացու մեդալով։
Ամուսնացած է, ունի երկու երեխա:
