նախընտրելի դարձնել
ՀՀ նախագահ Արմեն Սարգսյանի հրամանագրով Արթուր Խաչատրյանը նշանակվել է ՀՀ գյուղատնտեսության նախարար:
ՀՀ նախագահի հրամանագրում, մասնավորապես, ասվում է.
Հիմք ընդունելով վարչապետի առաջարկությունը` համաձայն Սահմանադրության 150-րդ հոդվածի.
Արթուր Խաչատրյանին նշանակել գյուղատնտեսության նախարար:
Նշենք, որ նա ՀՅԴ անդամ է եւ մինչ այս Շիրակի մարզպետն էր:
Կենսագրական տվյալներ
Ծնվել է 1972թ. Երեւանում:
1994թ. ավարտել է Երևանի պետական համալսարանը (ֆիզիկոսի որակավորմամբ):
1996թ. ավարտել է Հայաստանի ամերիկյան համալսարանը՝ ստանալով գործարար կառավարման մագիստրոսի որակավորում։
Նույն որակավորումը ստացել է 2001-ին՝ Լոնդոնի Իմփերիալ Քոլեջում:
Ֆիզիկամաթեմատիկական գիտությունների թեկնածու է:
2016-2017թթ. աշխատել է ՀՀ տարածքային կառավարման և զարգացման նախարարությունում՝ որպես նախարարի տեղակալ:
Տիրապետում է հայերեն, ռուսերեն եւ անգլերեն լեզուներին:
1991թ.-ից ՀՅԴ անդամ է:
Ամուսնացած է, ունի 3 երեխա:
