նախընտրելի դարձնել
Թուրքիայի նախագահ Աբդուլլահ Գյուլը ԵԽԽՎ-ում ելույթ ունենալու նպատակով ժամանել է Ստրասբուրգ եւ արդեն հանդիպել ԵԽԽՎ նախագահ, Թուրքիայի իշխող կուսակցության անդամ Մեվլութ Չավուշօղլուի հետ։
Թուրքական Hurriyet-ի փոխանցմամբ՝ Գյուլը հանդիպումից հետո պատասխանել է նաեւ հայ եւ ադրբեջանցի լրագրողների հարցերին՝ նշելով, թե ինքը առաջին թուրք նախագահն է, ով այցելել է Հայաստան։
«Մենք ցանկանում ենք, որ Կովկասում անվտանգությունը եւ կայունությունը տարածվի եւ ուժեղանա»,-նշել է Թուրքիայի նախագահը։
Ավելի ուշ Գյուլը ելույթով հանդես կգա եւ կպատասխանի ԵԽԽՎ պատվիրակների հարցերին։
