նախընտրելի դարձնել
Եգիպտոսի Շարմ Էլ Շեյխ քաղաքում գտնվող Հայաստանի Հանրապետության թվով 164 քաղաքացիները փետրվարի 5-ի լույս 6-ի գիշերը Հայաստան կվերադառնան: Այս մասին NEWS.am-ի թղթակցին հայտնեց Հայաստանի արտաքին գործերի նախարարության մամուլի պատասխանատու Տիգրան Բալայանը: Հայաստան վերադարձող քաղաքացիները Եգիպտոս են մեկնել Tez Tour տուրիստական գործակալության միջոցով եւ նույն գործակալությունն էլ հոգալու է զբոսաշրջիկների վերադարձը Հայաստան:
Հիշեցնենք, որ Եգիտպոսի մայրաքաղաք Կահիրեում հունվարի 25-ից հակակառավարական գործողություններ են սկսվել, որոնց մեկնարկից մինչ օրս տարբեր տվյալներով շուրջ 300-350 մարդ զոհվել է, 1500-ից ավելի մարդ էլ վիրավորվել:
Եգիպտոսի նախագահ Հոսնի Մուբարաքը տեղի տալով ցուցարարների պահանջին՝ ցրել է կառավարությունը, սակայն ցուցարարները պահանջում են երկրի նախագահի հրաժարականը:
