Հայաստանի ԱԻՆ-ում, այսօր՝ հունվարի 30-ին, ժամը 23:08-ին «911» ծառայությանն ահազանգ է ստացվել, որ Լոռու մարզի Վանաձոր քաղաքի Դեմիրճյան փողոցի թիվ 1 շենքի մոտակայքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ Դեմիրճյան եւ Շիրակացու փողոցների խաչմերուկում բախվել են «Toyota Camry» մակնիշի (վարորդի ինքնությունը չի հաջողվել պարզել) եւ «Opel Vectra» մակնիշի (վարորդ՝ Վ. Փ., ծնված 1991 թ.) ավտոմեքենաները:

Փրկարարները Վ. Փ.-ին դուրս են բերել ավտոմեքենայից: Քաղաքացին տեղափոխվել է Վանաձորի ԲԿ, որտեղ բժիշկները տուժածի առողջական վիճակը գնահատել են ծանր:

Փրկարարները հոսանքազրկել են ավտոմեքենաները եւ փակել գազի բալոնների փականները: