նախընտրելի դարձնել
«Ստեփան Գիշյան» բարեգործական հիմնադրամը հայտարարում է դրամաշնորհային մրցույթ, որին կարող են մասնակցել ինչպես անհատներ, այնպես էլ նախաձեռնող խմբեր եւ կազմակերպություններ։
Բարեգործական հիմնադրամը օնլայն դիմում հայտերը կընդունի մինչեւ սույն թվականի մարտի 15-ը ներառյալ։ Ներկայացվող ծրագրերը պետք է ուղղված լինեն սոցիալ-տնտեսական, կրթական եւ գիտական, առողջապահական եւ մշակութային ոլորտներից մեկի կամ միաժամանակ մի քանիսի զարգացմանը։ Ներկայացվող ծրագիրը պետք է իրականացվի բացառապես ՀՀ տարածքում։
Հիմնադրամը ծրագրի ընտրության ընթացքում առավելություն կտա այն ծրագրերին, որոնք՝
- միտված են հայ-ֆրանսիական կապի ամրապնդմանը,
- նպաստում են նոր աշխատատեղերի ստեղծմանը,
- օգտագործում են հնարավորինս մեծ ծավալով տեղական հումք եւ/կամ միջոցներ,
- կընդգրկեն շահառուների հնարավորինս լայն խումբ,
- կունենան հստակ եւ իրատեսական գործողությունների պլան եւ ժամանակացույց:
Տրամադրվող մեկ դրամաշնորհի առավելագույն չափը 4.000.000 ՀՀ դրամ է:
Մրցույթի եւ դիմելու կարգի մանրամասներին կարող եք ծանոթանալ այստեղ։
«Ստեփան Գիշյան» բարեգործական հիմնադրամը ստեղծվել է ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ, ֆրանսիական Կրեդիտ Ագրիկոլ բանկային խմբի, Կրեդիտ Ագրիկոլ ազգային ֆեդերացիայի եւ Ստեփան Գիշյանի ընտանիքի կողմից:
Լրացնել օնլայն դիմում հայտը այստեղ:
