Ադրբեջանը մինչ օրս ղարաբաղյան պատերազմի տարիներին անհետ կորածների մասին տվյալներ չի տրամադրում: Ապրիլի 6-ի ասուլիսում այս մասին հայտնեց Հայաստանի անհետ կորած ազատամարտիկների հարազատների խորհրդի նախագահ Ռիմա Առաքելյանը:

Նրա խոսքով՝ ընդհանուր առմամբ  Հայաստանում եւ Արցախում անհետ կործաների թիվը հասնում է 1000-ի:

«Ավելի քան 2 տասնամյակի ընթացքում մեզ չի հաջողվել ադրբեջանական կողմից նրանց ճակատագրի վերաբերյալ որեւէ տեղեկատվություն ստանալ», - ասաց նա: Ընդ որում նա ուշադրություն  դարձրեց այն փաստին, որ այդ հանգամանքը խոչընդոտում է նաեւ այս ուղղությամբ Կարմիր խաչի միջազգային կոմիտեի գործունեությանը:

Խոսելով գոյություն ունեցող խնդիրների մասին՝ Առաքելյանը մատնանշեց Հայաստանում անհետ կործաների մասին օրենքի բացակայությանը, ինչը կարող էր մասնավորապես մեծացնել նրանց ընտանիքներին տրամադրվող օգնության ծավալը: Տվյալ օրենսդրական նախաձեռնությունը քննարկվել է մի քանի տարի առաջ, սակայն՝ ապարդյուն: Փորձագետը նաեւ նշեց ղարաբաղյան պատերազմի տարիներին  մահացածների մարմինների փոխանցման եւ հետագայում ՀՀ տարածքում նրանց թաղելու ուղղությամբ պետական մակարդակով աշխատանքներ տանելու անհրաժեշտությունը:

Առաքելյանը Գերիների, պատանդների եւ անհետ կորածների միջգերատեսչական հանձնաժողովի հետ արդյունավետ համագործակցության հույս հայտնեց: Նա նշեց, որ Հանձնաժողովի կազմում թավշյա հեղափոխությունից հետո  որոշ փոփոխություններ են կատարվել:

«Այդ պատճառով մենք դեռ ծանոթ չենք Հանձնաժողովի բոլոր անդամների հետ: Հուսով եմ, որ ապագայում մենք հնարավորություն կունենանք նրանց ներկայացնելու մեզ հուզող հարցերը», - ասաց Առաքելյանը: