Նախընտրելի
Տոկիոյի իշխանությունները հաստատել են փաստը, որ օդի մեջ ավելացել է ռադիոակտիվ նյութերի քանակը։ Դրանք յոդի եւ ցեսիումի էլեմենտներ են, որոնք հավանական է քամու միջոցով են թափանցել հյուսիսից, որտեղ այժմ վթարված «Ֆուկուսիմա-1» ատոմակայանն է։ Այսօր առավոտյան այնտեղ ջրածնի նոր պայթյուն է որոտացել, որին հետեւել է հզոր ռադիացիայի ալիքը, հաղորդում է rediomayak.ru-ն։
Ատոմակայանից մինչ մայրաքաղաք 240 կմ է։ Տոկիոյի հարեւանությամբ գտնվող վարչական Սաիտամա շրջանում ռադիացիայի քանակն օդի մեջ 40 անգամ գերազանցել է նորմային սահմանը։
Ռադիացիայի մակարդակի բարձրացում կա նաեւ Տոկիոյից դեպի հարավ գտնվող Կանագավա շրջանում, հաղորդում է Kiodo-ն։
Միաժամանակ, Ճապոնացիներն ուշադրությամբ հետեւում են մասնագետների խորհուրդներին, որպեսզի արագ դուրս գան ստեղծված իրավիճակից։
Ռուսաստանի հեռավոր ափերին ռադիացիայի վտանգ չկա: Այս մասին վստահ հայտարարել է սանիտարական բժիշկ Գենադի Օնիշչենկոն։ Նրա խոսքով, ռադիացիոն ֆոնը ռուսական տարածքում համապատասխանում է սահմանված նորմային:
