նախընտրելի դարձնել
ԱԳ նախկին նախարար Ալեքսանդր Արզումանյանը ողջունում է Ազատության հրապարակում մարտի 14-ից հացադուլ անցկացնող «Ժառանգության» առաջնորդ Րաֆֆի Հովհաննսիյանին եւ այցելել է նրան:
Հարցին, թե ճի՞շտ է հարամում այն քայլը, որ Լեւոն Տեր-Պետրոսյանը երեկ, երբ ՀԱԿ հանրահավաքի մասնակիցները մտան Ազատության հրապարակ, չողջունեց այդտեղ նստած Հովհաննիսյանին, Արզումանյանը խուսափեց կոնկրետ պատասխան տալուց: «Դիմեք իր խոսնակին, թող ինքը պատասխանի, պատճառաբանություններ կլինեն հավանաբար»,-արձագանքեց Արզումանյանը:
Նա նաեւ նշեց, որ ինքը շատ ուշ է մտել հրապարակ եւ ողջունել է Հովհաննիսյանին: Նաեւ հավելեց, որ ՀԱԿ-ի առանձին անդամներ եւս մոտեցել եւ ողջունել են «Ժառանգության» առաջնորդին: Ալիկ Արզումանյանը հավելեց նաեւ, որ ՀԱԿ-ը բազմաբեւեռ քաղաքական կառույց է, որի մեջ մտնող քաղաքական ուժերից շատերի ներկայացուցիչների տեսակետներն ու դիրքորոշումները ինքը չի ընդունել եւ չի ընդունում:
