Հայ գործարարները, հնարավոր է, արդյունաբերական այցելություններ կատարեն Իրան

Իրանի արդյունաբերության եւ հանքահորերի փոխնախարար Ահմադ Հադեմոլմելեհը հանդիպել է Թեհրանում Հայաստանի դեսպան Գրիգոր Առաքելյանի հետ։ Կողմերը քննարկել են երկու երկրների արդյունաբերական համագործակցության հեռանկարներն Իրանում, հաղորդում է Press tv-ին՝ վկայակոչելով IRNA գործակալությունը։

Հադեմոլմելեհը կարեւորել է արդյունաբերական համագործակցությունը երկու երկրների միջեւ եւ կոչ արել հայ գործարարներին արդյունաբերական նպատակներով այցելություններ կատարել Իրան:

Իր հերթին Գրիգոր Առաքելյանը  հայտնել է հայկական կողմի պատրաստակամությունը՝ մասնակցել Իրանի արդյունաբերության եւ հանքահորերի նախարարության կողմից կազմակերպված ծրագրերին: