Nissan կորպորացիան վերսկսել է աշխատանքը Ճապոնիայի բոլոր գործարաններում այս տարվա ապրիլի 11-ից 18-ը: Այդ մասին հաղորդում է ԻՏԱՌ-ՏԱՍՍ-ը` վկայակոչելով ավտոարդյունաբերական կոնցեռնի մամուլի ծառայությունը:

Մեկամսյա ընդմիջումից հետո աշխատանքը վերսկսելու են Օպպամա քաղաքի հավաքման եւ կենտրոնական գործարանը: Ապրիլի 13-ին վերսկսելու են արտադրությունը Կյուսյու կղզու երկու գործարաններում:

Նախնական տվյալներով, տարերային աղետի պատճառով Nissan-ը չի կարողացել արտադրել 55 հազար ավտոմեքենաներ:

Միեւնույն ժամանակ Toyota կորպորացիան հայտարարել է, թե վերսկսելու է աշխատանքը իր բոլոր գործարաններում ապրիլի 18-ին: Ավտոհսկայի նախագահ Ակիո Տոյեդան նշել է, թե Toyota-ի ղեկավարությունը մտադիր է սերիական արտադրությունը սկսել 15 գործարաններում որոնք կանգնեցվել են մարտի 14-ին: