նախընտրելի դարձնել
ԱՄՆ-ի ռազմածովային ուժերի նախարար Ռիչարդ Սփենսերը հերքել է ասեկոսեները, որ նա սպառնացել է հրաժարական տալ զինծառայող Էդվարդ Հալահերին արդարացնելու հարցում ԱՄՆ-ի նախագահ Դոնալդ Թրամփի հետ անհամաձայնության պատճառով, հաղորդում է Reuters-ը:
«Կարծես ասեկոսեներ են պտտվում, որ ես սպառնացել եմ հրաժարական տալ: Ես չեմ սպառնացել հրաժարական տալ»,-հայտարարել է Սփենսերը լրագրողներին Հալիֆաքսում անվտանգության հարցով համաժողովի ժամանակ:
Անցած շաբաթ ԱՄՆ-ի նախագահ Դոնալդ Թրամփը հետաքրքրվել էր ԱՄՆ-ի ռազմածովային ուժերի զինծառայող Էդվարդ Հալահերի գործով՝ կարգադրելով վերականգնել նրա կոչումը, ինչպես նաեւ աշխատավարձ եւ կենսաթոշակ ստանալու իրավունքը:
Հուլիսին զինվորական դատարանը մեղադրել էր Հալահերին ահաբեկչի դիակի հետ լուսանկարվելու մեջ, ընդ որում՝ զինծառայողին ճանաչելով անմեղ նրա մահվան մեջ: Դատարանը նաեւ անմեղ էր ճանաչել Հալահերին խաղաղ բնակիչների սպանության գործում:
