նախընտրելի դարձնել
Փաստաբան Հովհաննես Չամսարյանի համակարգիչն ու դրանում պարունակվող փաստաբանական գաղտնիքը պահպանվեցին օրենքով սահմանված կարգով, բացառվեց որեւէ միջամտություն փաստաբանի համակարգչին։ Այս մասին ֆեյսբուքյան իր էջում գրառում է արել փաստաբանի ներկայացուցիչ Երվանդ Վարոսյանը։
Գրառման մեջ, մասնավորապես, ասվում է.
«Տեղեկացնեմ, որ փաստաբան Հովհաննես Չամսարյանի համակարգիչն ու դրանում պարունակվող փաստաբանական գաղտնիքը պահպանվեցին օրենքով սահմանված կարգով, բացառվեց որեւէ միջամտություն փաստաբանի համակարգչին։
Բոլորին շնորհակալություն»։
Ավելի վաղ NEWS.am-ը հայտնել էր, որ ԱԱԾ քննիչ Օնիկ Առաքելյանը ցանկանում է առգրավվել փաստաբան Հովհաննես Չամսարյանի համակարգիչները: Փաստաբանը NEWS.am-ին հայտնել էր, որ օրենքով արգելվում է առգրավվել փաստաբանի համակարգիչը, քանի որ այն գաղտնի տեղեկատվություն է պարունակում: Փաստաբան Չամսարյանի գրասենյակում էր գտնվում նաեւ նրա ներկայացուցիչ Արամազդ Կիվիրյանը, Երվանդ Վարոսյանը եւ փաստաբանների պալատի նախագահ Արա Զոհրաբյանը: Երկար քննարկումներից հետո կայացվել էր որոշում՝ համակարգիչների ուսումնասիրությունն իրականացնել գրասենյակում, սակայն պաշտպանները կտրականապես դեմ են եղել։
