նախընտրելի դարձնել
Բելառուսի ԱԻՆ-ը հերքել է Մինսկում` Անկախության պողոտայում երթեւեկող ավտոբուսում ահաբեկչության մասին լուրերը:
ԱԻՆ ներկայացուցիչը «ՌԻԱ Նովոստի»-ին հայտնել է, որ հերթապահ ծառայությունը որեւէ նման միջադեպի մասին ահազանգ չի ստացել:
Նոր պայթյունի մասին լուրերը գործակալության զրուցակիցը բացատրել է «քաղաքացիների ահաբեկվածությամբ»:
Պայթյունը որոտացել է նախօրեին` ժամը 17:58-ին, մետրոյի «Օկտյաբրսկայա» կայարանում: Պայթյունն այնքան հզոր է եղել է, որ բետոնե հատակին փոս է գոյացել, մասամբ փլուզվել են առաստաղն ու էսկալատորի պատերը: Պայթյունի պահին դեպքի վայրում մոտ 300 մարդ է եղել:
Բելառուսի գլխավոր դատախազությունը դեպքի որպես ահաբեկչություն է որակել: Պայթուցիկ սարքի հզորությունը կազմել է 5-ից 7 կգ տրոտիլ: Ռումբը գտնվել է երկրորդ վագոնի նստարարներից մեկի տակ, եւ դրա մեջ խոցող տարրեր են եղել: Վերջին տվյալներով, սպանվել է 12 մարդ: Վիրավորների թիվը հասնում է 134-ի: Մինսկի մետրոյում տեղի ունեցած պայթյունի արդյունքում տուժել է Հայաստանի քաղաքացի Սամվել Էրիկի Սահակյանը, ով այժմ Մինսկի 9-րդ հիվանդանոցի օտոլարինգոլոգիայի բաժանմունքում:
Մինսկի մետրոյում տեղի ունեցած ողբրեգության կապակցությամբ Մինսկում ապրիլի 13-ը սգո օր է հայտարարվել:
