նախընտրելի դարձնել
Պենտագոնի ղեկավար Մարկ Էսփերը հայտարարել է, որ թույլ է տվել Աֆղանստանում ԱՄՆ գլխավոր հրամանատարին իրականացնել ամերիկյան զորքերի նախնական դուրսբերումը, հաղորդում է AP-ը:
Նրա խոսքով՝ ինքը համոզված չէ՝ սկսվե՞լ է արդյոք գործընթացը մարտի 2-ին, սակայն Քաբուլում գեներալ Սքոթ Միլերն այժմ իրավունք ունի սկսել:
Էսփերի հետ միասին ելույթ ունենալիս Շտաբերի ղեկավարների միավորված հանձնաժողովի նախագահ, գեներալ Մարկ Միլին հայտարարել է, որ չկա ակնկալիք, որ Աֆղանստանում բռնությունն արագորեն «կզրոյանա» շաբաթ ԱՄՆ-ի եւ թալիբների միջեւ խաղաղ համաձայնագիրը ստորագրելուց հետո: Նրա խոսքով՝ իրատեսական չէր լինի մտածել, որ բռնությունն անմիջապես կդադարեցվի:
