նախընտրելի դարձնել
Գյումրիում ավարտվել է մայիսի 5-13-ին կայացած երաժիշտ կատարողների «Վերածնունդ» երրորդ միջազգային մրցույթ-փառատոնը, նվիրված Հայաստանի անկախության 20-ամյակին: Փառատոնի շրջանակներում անցկացվել են հանդիպումներ, կլոր սեղաններ, վարպետության դասեր, գիտաժողով՝ Համաշխարհային մշակույթը եւ Հայաստանը խորագրով:
Ընդ որում փառատոնի յուրաքանչյուր օր նվիրվել էր որեւէ նշանակալի իրադարձության՝ Էդվարդ Միրզոյանի 90-ամյակին, Շուշիի ազատագրմանը եւ Երկրորդ համաշխարհային պատերազմում տարած հաղթանակի 66-ամյակին:
Մայիսի 14-ին տեղի է ունեցել նաեւ տարբեր ուսումնական հաստատություններում անցկացված երաժշտական մրցելույթների հաղթողների մրցանակաբաշխությունը: Յոթ մասնագիտական հանձնաժողովներում ընդգրկված արվեստի գործիչները մասնակցել են նաեւ ասուլիսի, իսկ փառատոնի հանդիսավոր փակումը, եւ գալա համերգը տեղի է ունեցել Վարդան Աճեմյանի անվան դրամատիկական թատրոնում: Հանձնվել են մրցանակներ, իսկ հաղթող մասնակիցները հանդես են եկել համերգային կատարումներով:
