նախընտրելի դարձնել
Բաքվի եւ Մոսկվայի միջեւ բանակցությունները` 2012-ից հետո Գաբալայի ռադիոլոկացիոն կայանի վարձակալման վերաբերյալ, սկսվելու են առաջիկայում, հաղորդում է APA-ն` վկայակոչելով ռազմական աղբյուրները:
Բանակցություններում, որոնց մասնակցելու են Ռուսաստանի եւ Ադրբեջանի պաշտպանության նախարարության ներկայացուցիչները, կողմերը քննարկելու են նոր պայմանագրի պատրաստումը:
Ըստ աղբյուրի, Բաքուն ծրագրում է ավելացնել վարձավճարը, Ռուսաստանից լրացուցիչ օգնություն պահանջել` ՌԼԿ էկոլոգիական ազդեցությունը վերացնելու համար: Ադրբեջանը կայանի համատեղ օգտագործման առաջարկ է անելու, նաեւ պայման է դելու, որ արգելվի այլ պետությունների տրամադրել կայանից ստացված տվյալները:
Ադրբեջանի Գաբալայի շրջանում գտնվող կայանը շահագործման է հանձնվել 1985թ. եւ ԽՍՀՄ հակահրթիռային համալիրի 8 կայաններից է: Կայանը թույլ է տալիս վերահսկել 6000 կմ տարածք: Վարձավճարը կազմում է 7 մլն դոլար:
