նախընտրելի դարձնել
2010թ. մայիսին լիբանանա-ֆրանսիական գործարար Օմար Արֆուշը հայտարարել էր, թե «Մի երկիր արել էր հնարավորը հաղթելու համար`մի քանի երկրներում ժյուրիի վրա ճնշում գործադրելով եւ իր դեսպանություններին թույլ տալով գումարներ ծախսել SMS քվերակությունների համար: Այդ երկիրը Ադրբեջանն է»: Ի վերջո, հաղթեց Գերմանիայի ներկայացուցիչը, Ադրբեջանն զբաղեցրեց հինգերորդ, իսկ Հայաստանը` յոթերորդ տեղը, գրում է «Nouvelles d`Arménie»-ին:
Օմար Արֆուշը օրերս «Direct 8» հեռուստալիքիով մի շոուի ժամանակ, պատասխանելով «Եվրատեսիլ-2011»-ի մասին հարցին, ասել էր, թե «Մենք գիտեինք, որ անցած տարի Արբեջանը կհայտնվի առնվազն լավագույն հնգյակում … Այս անգամ կարող եմ ասել, որ նրանք դասեր էին քաղել», – ասել է գործարարը:
Բացի այդ, ըստ Արֆուշի, «Եվրատեսիլի» կազմկոմիտեն դեռ նախօրեին գիտեր, թե ով է հաղթելու: Նրա կարծիքով` սա Ադրբեջանի համար միակ միջոցն է Եվորպայում իր երկրի մասին հիշեցնելու: Մրաժամանակ, գործարարը չի ցանկացել հաստատել փաստը, թե Ադրբեջանը «գնել է» ձայները, քանի որ անցած տարի այդ պատճառով տհաճություններ է ունեցել:
