նախընտրելի դարձնելԱրաբական երկրներից մարդկային ներհոսքը վերահսկվում է, բոլոր այդ ռիսկային երկրները (որտեղ հեղափոխական իրավիճակներ են առաջացել) ընդգրկված են այն ցանկում, որոնց քաղաքացիներին առանց մուտքի վիզայի իրավունք չի տրվում մուտք գործել հանրապետություն: Այսօր` մայիսի 20-ին լրագրողների հետ զրույցում աաց ՀՀ ոստիկանապետ Ալիկ Սարգսյանը:
Նշենք, որ նրա առաջարկով կառավարությունն այսօր հավանություն տվեց «Օտարերկրացիների մասին» օրենքում փոփոխություն կատարելու նախագծին, որով ազգությամբ հայերը կարող են Հայաստան մուտք գործել պարզեցված ընթացակարգով` առանց հատուկ հրավերի: Գործող օրենքով` կառավարությունը սահմանել է 17 երկրների ցանկ, որի քաղաքացիներն առանց հատուկ վիզայի Հայաստան մուտք գործելու իրավունք չունեն: Բայց այդ պատճառով խնդիրներ էին առաջանում մեր հայերնակիցների հետ, որոնք բնակվում էին այդ երկրներում: Օրենքի փոփոխությամբ հայերին կտրվի արտոնություն, որ կարողանան հենց օդանավակայնում ստանալ մուտքի վիզա եւ մուտք գործել Հայաստան: Այդ երկրների մյուս քաղաքացիների նկատմամբ սահմանափակումները ուժի մեջ կլինեն:
Ըստ ոստիկանապետի` օրենքում կկատարվեն նաեւ այլ փոփոխություններ: Մասնավորապես` ԱՊՀ երկրների քաղաքացիներն առանց մուտքի վիզայի կարող են Հայաստանում մնալ ոչ թե 90, այլ մինչեւ 180 օր:
Պարզեցվելու է նաեւ Հայաստանից հեռանալու ընթացակարգը նրանց համար, որոնք ժամանակին չեն կարողացել օրինական երկարաձգել Հայաստանում մնալու ժամկետը: Ոստիկանապետի խոոսքով` այդ դեպքերում դեպորտացիայի խնդիր առաջ չի գա:
