նախընտրելի դարձնելԱրժույթի միջազգային հիմնադրամը (ԱՄՀ) մայիսի 23-ին կսկսի մասնակից երկրներից հիմնադրամի ղեկավարի թեկնածության առաջարկություններ ընդունել:
Ինչպես հաղորդում է Reuters գործակալությունը, նախատեսվում է հիմնադրամի ղեկավարին ընտրել մինչեւ հունիսի 30 -ը:
ԱՄՀ նախկին ղեկավար Դոմինիկ Սթրոս-Կանը հրաժարական էր տվել մայիսի 19-ին` Նյու Յորքի հյուրանոցներից մեկի սպասուհու բռնաբարության մեղադրանքով ձերբակալությունից հետո: Ներկայումս նա բանտից դուրս է եկել 1 մլն դոլար գրավի դիմաց: Նրա գործով հաջորդ դատալսումը տեղի կունենա հունիսի 6 –ին:
Նշենք, որ մայիսի 19-ին Մինսկում կայացած ԱՊՀ կառավարությունների ղեկավարների խորհրդի նիստի ժամանակ որոշվել էր այդ պաշտոնում որպես ԱՊՀ միասնական թեկնածու առաջադրել ղազախական Կենտրոնական բանկի ղեկավար Գրիգորի Մարչենկոյին:
Եվրահանձնաժողովը եւս մտադիր է իր թեկնածուին առաջադրել:
Ըստ ձեւավորված պրակտիկայի` Համաշխարհային բանկի ղեկավարը միշտ ամերիկացի է լինում, իսկ ԱՄՀ ղեկավարը` եվրոպացի:
