նախընտրելի դարձնելՆյու Յորքում ինքնասպան է եղել ՄԱԿ-ի առաքելության կազմում գտնվող բրիտանացի դիվանագետ Թոմաս Հերդի կինը:
46-ամյա Քեթրին Հերդը ցած է նետվել մայիսի 21-ի առավոտյան`Մանհեթենի բնակելի տներից մեկի տանիքից: Կնոջը տեղափոխել են հիվանդանոց, որտեղ նա մահացել է, գրում է Lenta.ru-ն:
Ինքնասպանության մասին լրագրողներին հայտնել են ոստիկանությունից: Հերդը ցած է նետվել այն տան տանիքից, որտեղ բնակվել է: Հաղորդվում է, որ նա ոչ մի երկտող չի թողել: Հարեւանների վկայությամբ`տիկինը բավական երջանիկ մարդու տպավորություն է թողել:
Ի դեպ, նա հինգ երեխա է ունեցել: Հայտնի է նաեւ, որ հաջորդ շաբաթ Քեթրինն ընտանիքի հետ պետք է վերադառնար Մեծ Բրիտանիա, քանի որ ամուսնու դիվանագիտական առաքելությունն ԱՄՆ-ում ավարտվում էր:
