նախընտրելի դարձնելԲահրեյնի հատուկ դատարանը քննարկել է շիական համայնքի ներկայացուցիչ երկու ցուցարարների նկատմամբ կայացրած վճռի դեմ ներկայացված վերաքննիչ բողոքը: Դատարանը անփոփոխ է թողել վճիռը, ըստ որի ցուցարարները դատապարտվել էին մահապատժի`զանգվածային գործողությունների ժամանակ երկու ոստիկանների սպանության համար:
Ալի Աբդուլա Հասան ալ-Սինդասը եւ Աբդուլազիզ Աբդուլիրդա Իբորահիմ Հուսեյնը ավտոմեքենաներով գրոհել են ոստիկանների վրա, ինչի հետեւանքով ոստիկանության աշխատակիցները զոհվել են:
Առաջին ատյանի դատարանը մահվան էր դատապարտել երկու շիաներին, սակայն վերաքննիչ դատարանը դատավիճռը վերանայել էր եւ դատապարտել նրանց ցմահ բանտարկության:
Ավելի վաղ մահապատժի են դատապարտվել ոստիկանության աշխատակիցների սպանության մեջ մեղադրվող եւս երեք ցուցարարներ: Միջազգային կազմակերպությունները, մասնավորապես Amnesty International-ը, դատապարտել է ցուցարարների նկատմամբ կայացված դատական որոշումը:
