նախընտրելի դարձնելՀայաստանի փոխվարչապետ, տարածքային կառավարման նախարար Արմեն Գեւորգյանն այսօր` մայիսի 26-ին այցելել է «Մխչյան 1» եւ «Ռանչպար 1» պոմպակայանների շինհրապարակ, որոնք վերականգնվում են «Հազարամյակի մարտահրավեր հիմնադրամ-Հայաստան»-ի ծրագրով:
ՏԿՆ մամուլի ծառայությունից NEWS.am-ին հայտնում են, որ «Ռանչպար 1» պոմպակայանի վերականգնումն արդեն ավարտված է, պահանջարկի դեպքում այն պատրաստ է ջրամատակարարում ապահովել:
«Մխչյան 1»-ում եւս աշխատանքները գրեթե ավարտված են, առաջիկա օրերին պոմպակայանը կշահագործվի: Ներկայումս որոշակի աշխատանքներ են կատարվում գլխամասային հանգույցում: Փոխվարչապետին տեղեկացրել են, որ մինչ այժմ, պահանջարկի առկայության դեպքում, ջրամատակարարումն իրականացվել է այլընտրանքային եղանակներով:
Փոխվարչապետը «ՀՄՀ –Հայաստան» ՊՈԱԿ-ի ղեկավարությանը հանձնարարել է արագացնել պոմպակայանների փորձարկման, հնարավոր թերությունների շտկման աշխատանքները, որից հետո պոմպակայանները հանձնել շահառուին:
Փոխվարչապետին ուղեկցել են «ՀՄՀ –Հայաստան» ՊՈԱԿ-ի գլխավոր գործադիր տնօրեն Արա Հովսեփյանը, ոլորտի այլ պատասխանատուներ:
