Ջեք Մայի բիզնեսը հենց հիմա ահռելի ճնշման է ենթարկվում, բայց Չինաստանի ամենահաջողակ տեխնոլոգիական կայսրության համահիմնադրի եւ լեգենդար միլիարդատեր Ջեք Մայի մասին ամիսներ շարունակ ոչ մի բան չի լսվում, փոխանցում է CNN-ն:

Ման հոկտեմբերի վերջից՝ չինական կարգավորողի կողմից Alibaba-ի ֆինանսական մասնաճյուղ Ant Group-ի երկար սպասված լիստինգը արգելափակելուց մեկ շաբաթ առաջ, չի ներկայացել հանրությանը եւ գրառումներ չի կատարել համացանցում:

Ant Group-ն անցել է աշխարհում ամենախոշոր բաժնետոմսերի առաջնային տեղակայումը նախապատրաստելուց մինչեւ իր բիզնեսի մեծ հատվածների կապիտալ վերանորոգման պատվերներ ստանալու ճանապարհը: Չինական կարգավորողները ընկերությանը քննադատել են շուկայից մրցակիցներին դուրս մղելու եւ սպառողների իրավունքներին վնաս հասցնելու համար:

Մինչդեռ Alibaba ընկերության դեմ անցկացվել է հակամենաշնորհային հետաքննություն:

Անցյալ շաբաթ The Wall Street Journal պարբերականը հայտնել էր, որ Պեկինը փորձում է կրճատել Մայի կայսրությունը եւ նրա բիզնեսում մեծ բաժին գրավել:

Financial Times-ի տեղեկություններով՝ միլիարդատերն անգամ չի մասնակցել իր ստեղծած աֆրիկյան տաղանդներ շոուի եզրափակչին: Պարբերականը հայտնել էր, որ Մային փոխարինել է ձեռնարկատերերի համար հեռուստատեսային մրցույթի «Աֆրիկական բիզնեսի հերոսների» վերջին տեսարանի նոյեմբերյան նկարահանումների մրցավարը:

Ընդ որում՝ դեռեւս նոյեմբերի 12-ին Ման հայտարարել էր, որ անհամբերությամբ է սպասում նոյեմբերի 14-ին առցանց եզրափակչի ժամանակ եզրափակիչ դուրս եկածների հետ հանդիպմանը:

Alibaba ընկերությունից CNN Business-ին հայտնել են, որ Ման «ստիպված էր բաց թողնել եզրափակիչը ժամանակացույցի հետ անհամապատասխանության պատճառով»: Ընկերությունից, ի դեպ, հրաժարվել են պատասխանել իր հիմնադրի գտնվելու վայրի մասին հարցին: