նախընտրելի դարձնելՄայրաքաղաքի նախադպրոցական ուսումնական հաստատություններին եւ դպրոցներին ֆինանսական աջակցություն ցուցաբերելու նպատակով` Երեւանի քաղաքապետարնի նախաձեռնությամբ ստեղծվել են www.ognirdprocid.am եւ www.ognirmankapartezid.am կայքերը:
Կայքերի նպատակն է «Օգնիր դպրոցիդ» եւ «Օգնիր մանկապարտեզիդ» ծրագրերի շրջանակներում ներկայացնել մայրաքաղաքի յուրաքանչյուր դպրոցի եւ մանկապարտեզի առկա խնդիրներն ու այդ խնդիրների լուծելու համար անհրաժեշտ գումարի չափը:
Կայքերում նաեւ զետեղվում են այն մարդկանց տվյալներն, ովքեր գումար են նվիրաբերել այս կամ այն դպրոցի կամ մանկապարտեզի խնդիրները լուծելուն:
Ըստ կայքերի` «Օգնիր դպրոցիդ» եւ «Օգնիր մանկապարտեզիդ» ծրագրերի շրջանակներում` Երեւանի քաղաքապետ Կարեն Կարապետյանը 3 մլն դրամ է նվիրաբերել թիվ 128 դպրոցին եւ 1 մլն դրամ` թիվ 7 մանկապարտեզին:
Ի դեպ, քաղաքապետից բացի, «Օգնիր դպրոցիդ» ծրագրի շրջանակներում դպրոցներին խոշոր ֆինանսական աջակցություն է ցուցաբերել եւս 9 մարդ, այդ թվում նաեւ Երեւանի քաղաքապետի առաջին տեղակալ Տարոն Մարգարյանը, Քաղաքեռ-Զեյթուն վարչական շրջանի ղեկավարն ու «Հայաստան Համահայկական» հիմնադրամը: Իսկ «Օգնիր մանկապարտեզիդ» ծրագրի շրջանակներում մայրաքաղաքի մանկապարտեզներին աջակցել է ընդհանուր առմամբ 19 մարդ:
