նախընտրելի դարձնելԱմերիկյան հայտնի դերասանուհի, ՄԱԿ-ի Բարի կամքի դեսպան Անջելինա Ջոլին արդեն ժամանել է Թուրքիա՝ հանդիպելու սիրիացի փախստականների հետ։
Թուրքական Zaman-ի փոխանցմամբ՝ հոլիվուդյան աստղին Հաթայ քաղաքի օդանավակայանում դիմավորել են Հաթայի փոխնահանգապետը, ոստիկանապետը, Թուրքիայի ԱԳՆ-ի ներկայացուցիչները եւ այլ բարձրաստիճան պաշտոնյաներ։
Անգելինա Ջոլին սիրիացի փախստականների համար նախատեսված վրանային ճամբար է մեկնել ուժեղացված հսկողությամբ։ Ջոլին իր հետ մեծ քանակությամբ խաղալիքներ է բերել, որոնց տեղափոխման համար Հաթայի կրթության վարչությունը միկրոավտոբուս է տրամադրել։
Նշենք, որ օրեր առաջ Ջոլին դիմել է Թուրքիայի իշխանություններին՝ Սիրիայից Թուրքիա մտած փախստականների հետ հանդիպման թույլտվություն ստանալու համար։ Թուրքիան շատ կարժ ժամկետում բավարարել է դերասանուհու դիմումը։
Սիրիայի հետ սահմանակից Հաթայ նահանգում տեղավորվել են մոտ 8 հազար 500 սիրիացի փախստական։
