նախընտրելի դարձնել«Հազարամյակի մարտահրավեր հիմնադրամ-Հայաստանի» «Ոռոգման կառավարման կառույցների ինստիտուցիոնալ հզորացում» ենթածրագրի շրջանակում այսօր` հունիսի 21-ին Ջրօգտագործողների ընկերություններին (ՋՕԸ) եւ Ջուր մատակարարող գործակալություններին (ՋՄԳ) տրամադրվել են էքսկավատոր-ամբարձիչներ:
ՏԿՆ մամուլի ծառայությունից NEWS.am-ին հայտնում են, որ JCB 3CX տեսակի 19 էքսկավատոր-ամբարձիչները հանձնվել են 16 ՋՕԸ-երի եւ 3 ՋՄԳ-երի: Վերջիններիս կողմից ստորագրվեցին նվիրաբերության պայմանագրեր: Ծրագրի շրջանակում ընդհանուր առմամբ, տեխնիկա կտրամադրվի 35 ՋՕԸ-ի: Առաջիկայում կստացվի տեխնիկայի երկրորդ խմբաքանակը: Էքսկավատոր-ամբարձիչները կծառայեն ոռոգման եւ դրենաժային համակարգերի շահագործմանն ու պահպանմանը:
Հայաստանի փոխվարչապետ, տարածքային կառավարման նախարար Արմեն Գեւորգյանը հույս է հայտնել, որ տեխնիկապես հզորացումը նաեւ հնարավորություն կստեղծի ՋՕԸ-երի համար առավել արդյունավետ իրականացնելու իրենց առջեւ դրված խնդիրները:
