Եգիպտոսում առնվազն 10 մարդ է զոհվել երկու ընտանիքների միջեւ վիճաբանության պատճառով, եւս 7 մարդ վիրավոր է, հաղորդում է ՌԻԱ Նովոստին՝ հղում անելով Masrawy պորտալին:

Հաղորդվում է, որ Աբու Հիզամ գյուղում 2 ընտանիքների միջեւ վիճաբանություն է ծագել, որը վերածվել է հրաձգության եւ զինված բախման:

Ականատեսներից մեկը պորտալին հայտնել է, որ կոնֆլիկտի պատճառ է դարձել ջրապոմպի շուրջ վեճը:

Զոհվել է ընտանիքներից մեկի անդամը:

Հաստատվել է 8 զոհվածի ինքնությունը, նրանցից ամենամեծը 65 տարեկան է, ամենակրտսերը՝ 8: