նախընտրելի դարձնել
ԱՄՆ բնակիչների կեսից ավելին կողմ է Facebook սոցիալական ցանցի վարչակազմի որոշմանը՝ արգելափակել ԱՄՆ նախկին նախագահ Դոնալդ Թրամփի էջը: Այս մասին վկայում է երկուշաբթի հրապարակված հարցումը, որն անցկացրել է Politico թերթը Morning Consult-ի հետ համատեղ:
Դրա տվյալներով` ընդհանուր առմամբ, ամերիկացիների 51 տոկոսն ամբողջությամբ կամ մասամբ աջակցել է սոցցանցում Թրամփի արգելափակմանը, հարցվածների 40 տոկոսը դեմ է նման միջոցառումներին, հայտնում է ՏԱՍՍ-ը:
Նշվում է, որ հարցման արդյունքները տատանվում էին` կախված այն բանից, թե որ կուսակցության կողմնակիցներն էին մասնակիցները: Հանրապետականների շրջանում այն արգելափակելու որոշմանը կողմ է արտահայտվել հարցվածների միայն 15 տոկոսը, 77 տոկոսը դեմ է եղել դրան: Դեմոկրատների շրջանում 86 տոկոսը համաձայն էր Facebook-ի ղեկավարության որոշմանը, 8 տոկոսը դեմ էր:
Քաղաքացիների շրջանում, ովքեր ոչ մի կուսակցության համակիր չեն, 46 տոկոսը կողմ է եղել Թրամփի էջի արգելափակմանը, հարցվածների 40 տոկոսն անհամաձայնություն է հայտնել Facebook-ի որոշման հետ:
Հարցումն անցկացվել է 2021 թվականի հունիսի 4-ից 7-ը 1990 հարցվածների շրջանում: Սխալմունքը չի գերազանցում 2 տոկոսը:
Հունվարի 6-ին Վաշինգտոնում տեղի ունեցած անկարգություններից հետո Facebook ընկերությունը մերժել էր Թրամփի կողմից իր սոցիալական ցանցերում գրառումներ կատարելու հնարավորությունը: Ի սկզբանե ենթադրվում էր, որ արգելափակումը կտեւի մինչ հունվարի 20-ը Թրամփի լիազորությունների ժամկետի ավարտը, սակայն հետագայում երկարաձգվեց:
Հունիսի 4-ին Facebook-ի ղեկավարությունը վերանայել էր Թրամփի հաշիվներն ընդմիշտ արգելափակելու իր որոշումը. հանրապետականը կկարողանա վերականգնել իր հաշիվները երկու տարի անց՝ որոշակի պայմանների առկայության դեպքում: Եթե արգելափակման վերացումից հետո Թրամփը կրկին խախտի սոցիալական ցանցի կանոնները, ապա նրա նկատմամբ կկիրառվի արագ ուժեղացող պատժամիջոցների խիստ համակարգը` ընդհուպ մինչ էջերի ամբողջական հեռացում:
