նախընտրելի դարձնելՀայաստանի գիտությունների ազգային ակադեմիայում հուլիսի 11-ին կմեկնարկի «Դինամիկ համակարգերը, ոչ գծային անալիզը եւ նրանց կիրառությունը» միջազգային գիտաժողովը: Գիտաժողովն իր աշխատանքները հուլիսի 11-ին եւ 12-ին կշարունակի Երեւանի պետական համալսարանի Ֆիզիկայի ֆակուլտետում, իսկ 14-15-ին` Ստեփանակերտում` Արցախի պետական համալսարանում:
ԱՄՆ-ից, Կանադայից, Ֆրանսիայից, Ռուսաստանից, Չերնոգորիայից, Բելառուսից, Իրանից ժամանած մասնագետները հայ գիտնականների հետ միասին կքննարկեն դինամիկ համակարգերի ժամանակակից տեսության ակտուալ խնդիրները:
Նշենք, որ գիտաժողովի կազմակերպիչներն են ՀՀ Գիտությունների ազգային ակադեմիայի Մաթեմատիկայի ինստիտուտը, Ինֆորմատիկայի եւ ավտոմատացման պրոբլեմների ինստիտուտը, Ռուսաստանի Գիտությունների ակադեմիայի Կենտրոնական տնտեսամաթեմատիկական ինստիտուտը, Երեւանի պետական համալսարանը, Արցախի պետական համալսարանը:
