նախընտրելի դարձնել
Հարավային Կորեան շուտով կգործարկի արհեստական ինտելեկտի օգտագործման պիլոտային նախագիծ, մարդկանց ճանաչելու տեխնոլոգիա եւ հազարավոր տեսախցիկներ՝ հետեւելու կորոնավիրուսով վարակված մարդկանց տեղաշարժը, չնայած մասնավոր կյանք ներխուժելու մտահոգությանը։
Պետական նախագիծը Փուչհոնում՝ երկրի ամենահոծ բնակչությունն ունեցող քաղաքներից մեկում, պետք է սկսի աշխատանքը հունվարին, Reuters գործակալությանը տեղեկացրել է քաղաքի պաշտոնյաներից մեկը։
Համաձայն բիզնես պլանի՝ համակարգը կօգտագործի արհեստական ինտելեկտի ալգորիթմեր եւ մարդկանց ճանաչելու տեխնոլոգիա տեսագրությունների վերլուծության համար, որոնք կհավաքվեն ավելի քան 10820 տեսախցիկներում, որոնք հետեւելու են վարակված մարդու տեղաշարժին եւ թե ում հետ է նա սերտորեն առնչվել։
