ԱՄՆ-ն Իսրայելին հավաստիացրել է, որ պատրաստ է անհրաժեշտության դեպքում ավելի կոշտ դիրքորոշում որդեգրել Իրանի նկատմամբ եւ հաշվի առնել Իսրայելի տեսակետը։ Այս մասին հայտնել է Axios-ը՝ վկայակոչելով իսրայելցի չորս բարձրաստիճան պաշտոնյաների, որոնք Երուսաղեմում մասնակցել են ազգային անվտանգության հարցերով խորհրդական Ջեյք Սալիվանի հետ հանդիպումներին։

Հանդիպումների ժամանակ Սալիվանը նախանշել է Իրանի միջուկային ծրագրի երեք հնարավոր կարճաժամկետ սցենարներ:

2015 թվականի գործարքի լիակատար իրակագործման վերաբերյալ համաձայնություն ձեռք կբերվի առաջիկա մի քանի շաբաթների ընթացքում, սակայն նա թերահավատորեն է վերաբերվում այս սցենարին:

Ժամանակավոր «սառեցման» համաձայնագիր՝ ուղղված Իրանի կողմից ծրագրի հետագա արագացումը կասեցնելուն:

Ոչ մի գործարք, նոր պատժամիջոց եւ ճնշում Իրանի վրա:

Հնարավոր սառեցման գաղափարը քննարկվել է Սալիվանի՝ վարչապետ Նաֆթալի Բենեթի, արտաքին գործերի նախարար Յաիր Լապիդի եւ պաշտպանության նախարար Բենի Գանցի հետ հանդիպումների ժամանակ, երեքն էլ Սալիվանին ասել են, որ դեմ են նման քայլին, հայտնել են իսրայելցի պաշտոնյաները:

Նման գործարքը կարող է խանգարել Իրանին մինչեւ սպառազինության մակարդակ հարստացնել ուրանը: Սակայն Լապիդը Սալիվանին ասել է, որ Իսրայելն արդեն աշխատում է այնպես, կարծես Իրանն ունի 90% հարստացված ուրան, եւ, իսրայելցի պաշտոնյաներից մեկի խոսքով՝ «իրենց կարծում ենք, որ նրանց վճարելու անհրաժեշտություն կա, որպեսզի չանեն դա»:

Իսրայելի մեկ այլ բարձրաստիճան պաշտոնյա ասել է, որ Բենեթը գնահատում է այն փաստը, որ Սալիվանը այց է կատարել՝ չնայած Բայդենի վարչակազմի առջեւ ծառացած բազմաթիվ այլ հրատապ խնդիրների, եւ դա դիտում է որպես ազդանշան, որ Սպիտակ տունը ուշադիր է Իսրայելի խնդիրների նկատմամբ: Պաշտոնյան հավելել է, որ հանդիպումը շատ բովանդակալից էր եւ կարող էր ազդել երկու երկրների քաղաքականության վրա։ «Առաջին անգամ երկու կողմերն իսկապես հասկացան միմյանց։ Ժամանակի ընթացքում երկու կողմերն էլ սկսեցին հասունանալ, իսկ այսօրվանից հետո մենք մեզ մի փոքր ավելի վստահ ենք զգում», - ասել է նա։

Իսրայելի մեկ այլ բարձրաստիճան պաշտոնյա Սալիվանի հետ հանդիպումից հետո եկել է եզրակացության, որ Բայդենի վարչակազմը Իրանի հարցում «ավելի լավ վիճակում է, քան իրենք կարծում էին», եւ որ քաղաքականության մեջ բացեր ավելի քիչ են, քան նախկինում ենթադրվում էր:

Սալիվանը հանդիպման սկզբում ասել է Բենեթին, որ նախագահ Բայդենն իրեն Երուսաղեմ է ուղարկել Սուրբ Ծննդից առաջ, քանի որ կարծում է, որ կարեւոր է «մշակել ընդհանուր ռազմավարություն, ընդհանուր տեսլական» Իրանի վերաբերյալ եւ գտնել ճանապարհ, որը կծառայի ինչպես ԱՄՆ-ի, այնպես էլ Իսրայելի շահերին:

Հանդիպումներին մասնակցող երկու իսրայելցի պաշտոնյաների խոսքով՝ Սալիվանը հասկացրել է, որ Վիեննայում հետագա բանակցությունների պատուհանը կարող է փակվել հունվարի վերջին կամ փետրվարի սկզբին:

Սալիվանը թերահավատորեն է վերաբերվում մինչ այդ լիարժեք համաձայնության հասնելու հնարավորություններին, ասում են պաշտոնյաները:

Միեւնույն ժամանակ, Բենեթը, Լապիդը եւ Գանցը պնդել են, որ ժամանակավոր գործարքը փրկօղակ կլինի Իրանի տնտեսության համար, քանի որ այդ գումարի մի մասը կուղղվի Իրանի վստահված անձանց, որոնք սպառնում են Իսրայելին:

Իրանցիները նաեւ մերժել են ժամանակավոր գործարքի գաղափարը, որը չի ապահովում ԱՄՆ պատժամիջոցների ամբողջական վերացում, եւ նրանք պնդում են, որ բարեխղճորեն բանակցում են 2015 թվականի գործարքին վերադառնալու շուրջ, չնայած ԱՄՆ-ի կասկածներին, որ իրենք պարզապես ժամանակ են շահում: