նախընտրելի դարձնել
Ալմաթիում ցուցարարները սկսել են գրոհել զենքի խանութները։ Այս մասին հունվարի 5-ին խանութների սեփականատերերն ու աշխատակիցները հայտնել են սոցցանցերում, փոխանցում է «Իզվեստիա»-ն։
Այսպիսով, հունվարի 5-ին քաղաքի զենքի խանութներից մեկը փակվել է: Նշվում է, որ անվտանգության աշխատակիցներն անմիջապես լքել են շենքը՝ նկատելով ցուցարարների բազմությունը։
«Այս պահին հարձակում է տեղի ունենում»,-Instagram-ում պատմել են խանութի աշխատակիցները։
Չորեքշաբթի օրը Ղազախստանի քաղաքներում իրավիճակը սրվել է։ Այսպես, Պավլոդարում ցուցարարները ներխուժել են մարզպետարանի շենք։ Ալմա Աթայում ցուցարարները ներխուժել են վարչակազմի շենք, որից հետո շենքը հրդեհվել է։ Ղազախստանի մի քանի այլ քաղաքներում եւս հարձակման փորձեր են կատարվել։
Բացի այդ, ցուցարարները գրավել են Ղազախստանի նախագահ Քասըմ-Ժոմարտ Տոկաեւի ՝ Ալմաթիում գտնվող նստավայրը։ Շենքը հրդեհվել է։
Ցուցարարները հրկիզել են նաեւ Ալմաթիում դատախազության շենքը, իշխող կուսակցության գրասենյակը եւ նախագահական նստավայրը։ Ցուցարարների եւ ոստիկանների միջեւ բախումներ են տեղի ունենում նաեւ քաղաքի կենտրոնում։
Քաղաքի պարետ, ոստիկանության դեպարտամենտի պետ Քանատ Թայմերդենովի խոսքով՝ Ալմաթիում անկարգությունների ժամանակ տուժել է 500 խաղաղ բնակիչ, այդ թվում՝ 130 կին եւ տարեց։ Նա նաեւ նշել է, որ քաղաքում այրվել է 120 մեքենա, այդ թվում՝ 33 շտապօգնության եւ հրշեջ մեքենա։
